Google’ga egalik qiluvchi Alphabet xoldingi yillik daromadi 90,3 mlrd dollarga yetdi

Google’ga egalik qiluvchi Alphabet xoldingining 2016-yil yakunlari bo‘yicha sof foydasi 19 foizga ko‘payib, 19,5 milliard dollarga yetdi. Daromad esa 20,4 foizga ortib, 90,3 milliard dollarni tashkil etdi. Bu haqda “Kommersant” xabar bermoqda.

O‘tgan yilning to‘rtinchi choragida xolding 5,3 milliard dollar sof foyda (o‘sish — 8,3 foiz) oldi, daromad esa 26 milliard dollarni tashkil etdi (o‘sish — 22 foiz). Hozirda Alphabet tarkibidagi tuzilmalarda 72 mingdan ortiq xodim ishlamoqda.

Xolding moliyaviy direktori Rut Porega ko‘ra, bunday o‘sishga mobil qidiruv tizimi va YouTube tufayli erishilgan.

Ma’lumot uchun, 2016-yil may oyida qiymati 492,6 milliard dollarga yetgan Alphabet bozor bahosi bo‘yicha Apple’ni ortda qoldirib, AQShning eng qimmat kompaniyasiga aylangan edi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.