“Nasaf” — “Al-Hidd” o‘yinidan keyin qarshiliklar ustozi Ro‘ziqul Berdiyev matbuot anjumanida ishtirok etdi.
Hammani bugungi g‘alaba bilan tabriklayman. O‘yin to‘liq ustunligimizda o‘tdi. Haqli g‘alabaga erishdik.Tezkor ikkita gol raqibga ta’sir o‘tkazdi. Ular shundan keyin hujumga o‘tishga intilgan bo‘lsa-da, biz ishonchli g‘alabaga erishdik.
Islom Kenjaboyev Turkiya yig‘inida chap qanotda eng faol bo‘ldi va bugun asosiy tarkibga kirdi. O‘z ustida ishlashdan to‘xtamasa, undan yaxshi futbolchi chiqadi. Akmal Shorahmedov esa haqiqiy professional, u tezda jamoa bilan chiqishib ketdi.
To‘g‘ri, Saudiya klublari Bahrayn jamoalaridan ancha farq qiladi. Biroq bu hech narsani anglatmaydi. Ertadan “Al-Fotih” o‘yinlarini o‘rganishni boshlaymiz.
Ro‘ziqul Berdiyev, “Nasaf” bosh murabbiyi
Raqibning kuchsiz tomonlaridan foydalandik va Chempionlar ligasining guruh bosqichi uchun birinchi qadamni tashladik. Asosiysi natija edi va biz buni uddaladik.Ro‘ziqul Berdiyevning so‘zlariga ko‘ra, Cheran bugungi o‘yinda bejizga hujum ortida to‘p surmadi. Shahboz Erkinovning bosh bilan yaxshiroq o‘ynashi, Cheranning esa yaxshi pas bera olishini inobatga olinib, shunday qarorga kelingan. Ma’lumot uchun, Cheran uzoq masofadan gol urdi, Erkinov esa boshi bilan muvaffaqiyat qozondi.Mehmonlar bosh murabbiyi esa “Nasaf”ni chiroyli g‘alaba bilan tabrikladi.Menga qayerda o‘ynashning farqi yo‘q. Muhimi — jamoaga foyda keltirishim.
Dragan Cheran, “Nasaf” a’zosi
O‘yin boshidanoq xatolarga yo‘l qo‘ydik. Raqib esa bugun yaxshi o‘ynadi.Kecha “Nasaf” va jamoam bir xil saviyada deb hazillashgandim. Futbolchilarim ruhini ko‘tarish uchun shunday degandim. Biroq raqib bugun bizga hech qanday imkoniyat qoldirmadi.
Bu futbol. Bugun yutsang, ertaga yengilasan. “Real” ham, Braziliya ham mag‘lub bo‘ladi. Bu normal holat.
Muhammad Ash-Shamlan, “Al-Hidd” bosh murabbiyi
Izoh (0)