Rossiyaning Irkutsk shahridan bo‘lgan uchkurash bo‘yicha sport ustasi Oksana Kosheleva ikki vagondan iborat tramvayni yo‘lovchilari bilan birgalikda tramvay yo‘li bo‘ylab bir necha metr oldinga siljitishga erishdi, deb xabar berdi TJournal. Oksana umumiy hisobda 42 tonnaga yaqin og‘irlikni o‘ziga bo‘ysundira oldi.
Uning jurnalistlarga ma’lum qilishicha, hozirda Oksana tramvay deposida jahon rekodini o‘rnatish va Ginnesning rekordlari kitobiga kirish maqsadida tayyorgarlik ko‘rayotgan ekan.
Ma’lumot uchun, Oksana 2016-yilning yozida og‘irligi 8,6 tonnalik Mi-8 vertolyotini o‘ziga bo‘ysundirgan. Sportchining kelgusidagi rejalaridan samolyot hamda okean laynerini joyidan qo‘zg‘atish o‘rin olgan. Buning uchun u 2017-yilning yozidan boshlab suv ostida mashg‘ulot o‘tkazishni boshlash niyatida ekanligini bildirdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)