«Насаф» — «Ал-Ҳидд» ўйинидан кейин қаршиликлар устози Рўзиқул Бердиев матбуот анжуманида иштирок этди.
Ҳаммани бугунги ғалаба билан табриклайман. Ўйин тўлиқ устунлигимизда ўтди. Ҳақли ғалабага эришдик.Тезкор иккита гол рақибга таъсир ўтказди. Улар шундан кейин ҳужумга ўтишга интилган бўлса-да, биз ишончли ғалабага эришдик.
Ислом Кенжабоев Туркия йиғинида чап қанотда энг фаол бўлди ва бугун асосий таркибга кирди. Ўз устида ишлашдан тўхтамаса, ундан яхши футболчи чиқади. Акмал Шораҳмедов эса ҳақиқий профессионал, у тезда жамоа билан чиқишиб кетди.
Тўғри, Саудия клублари Баҳрайн жамоаларидан анча фарқ қилади. Бироқ бу ҳеч нарсани англатмайди. Эртадан «Ал-Фотиҳ» ўйинларини ўрганишни бошлаймиз.
Рўзиқул Бердиев, «Насаф» бош мураббийи
Рақибнинг кучсиз томонларидан фойдаландик ва Чемпионлар лигасининг гуруҳ босқичи учун биринчи қадамни ташладик. Асосийси натижа эди ва биз буни уддаладик.Рўзиқул Бердиевнинг сўзларига кўра, Черан бугунги ўйинда бежизга ҳужум ортида тўп сурмади. Шаҳбоз Эркиновнинг бош билан яхшироқ ўйнаши, Чераннинг эса яхши пас бера олишини инобатга олиниб, шундай қарорга келинган. Маълумот учун, Черан узоқ масофадан гол урди, Эркинов эса боши билан муваффақият қозонди.Меҳмонлар бош мураббийи эса «Насаф»ни чиройли ғалаба билан табриклади.Менга қаерда ўйнашнинг фарқи йўқ. Муҳими — жамоага фойда келтиришим.
Драган Черан, «Насаф» аъзоси
Ўйин бошиданоқ хатоларга йўл қўйдик. Рақиб эса бугун яхши ўйнади.Кеча «Насаф» ва жамоам бир хил савияда деб ҳазиллашгандим. Футболчиларим руҳини кўтариш учун шундай дегандим. Бироқ рақиб бугун бизга ҳеч қандай имконият қолдирмади.
Бу футбол. Бугун юцанг, эртага енгиласан. «Реал» ҳам, Бразилия ҳам мағлуб бўлади. Бу нормал ҳолат.
Муҳаммад Аш-Шамлан, «Ал-Ҳидд» бош мураббийи
Изоҳ (0)