AQSh prezidenti Donald Tramp yaqin orada uning Twitter, Facebook va boshqa ijtimoiy tarmoqlardagi obunachilari soni 50 milliondan oshishiga ishonchi komil. Bu haqda Oq uyning yangi xo‘jayini CBN telekanaliga bergan intervyusida aytib o‘tdi, deb yozadi “TASS”.
Tramp “OAVlar insofsiz bo‘lmaganida” ijtimoiy tarmoqlardan foydalanmagan bo‘lishini aytdi. AQSh prezidenti jurnalistlar uning so‘zlari ma’nosini buzib, ularni fuqarolarga o‘z talqinlari bo‘yicha yetkazishini ta’kidladi.
“Men OAVni chetlab o‘tgan holda bayonot berishim mumkin. Shunda mening so‘zlarim o‘zim nazarda tutgan ma’noni saqlab qoladi va men OAVlarning ularni o‘zgartirib yetkazayotganiga toqat qilishimga hojat qolmaydi”, — deya Tramp ijtimoiy tarmoqlardan foydalanishning afzalliklarini tushuntirdi.
“Men ishonch bilan aytishim mumkinki, tez orada Facebook, Twitter, Instagram va boshqa ijtimoiy tarmoqlarda 50 milliondan ortiq obunachim bo‘ladi”, — dedi Amerika yetakchisi. U AQSh prezidentining Twitter’dagi rasmiy mikroblogidan foydalanishini, ammo baribir o‘zining shaxsiy mikroblogini afzal ko‘rishini bildirdi.
Izoh (0)