Pan Gi Munga Janubiy Koreya prezidentligiga o‘z nomzodini qo‘yish uchun ruxsat berishdi

Janubiy Koreya parlamentining tadqiqot guruhi BMT sobiq rahbari Pan Gi Mun Koreyada davlat lavozimini egallashi, shu jumladan, prezidentlikka nomzodini qo‘yishi mumkin, degan xulosaga keldi. Bu haqda “Ryonxap”ga tayanib, “Gazeta.ru” xabar berdi.

Parlamentning maxsus guruhi BMT rezolyutsiyasini tahlil qilib chiqdi. Avvalroq Pan Gi Munning tanqidchilari unga asoslanib, BMT sobiq bosh kotibi prezident lavozimiga da’vogarlik qila olmasligini aytgan edi. Ammo parlament a’zolari rezolyutsiya matnida Pan Gi Munning siyosatga yo‘lini to‘smaydigan so‘zlar ishlatilganini aniqladi.

BMT hujjatida, xususan, ko‘pchilik mamlakatlarning ishonchli vakili sifatida chiqish qilgan tashkilot sobiq bosh kotibi hukumat lavozimini egallamasligi maqsadga muvofiq ekanligi qayd etiladi.

Janubiy Koreya parlamentidagilar qo‘shimcha qilishicha, agar Pan Gi Mun prezidentlikka o‘z nomzodini qo‘yishga qaror qilsa, uning avvalgi ish tajribasi uning mamlakati manfaatlariga salbiy ta’sir qilmasligini isbotlashiga to‘g‘ri keladi.