AQSh prezidenti Donald Tramp uning muhojirlar to‘g‘risidagi farmoni barcha musulmonlarning AQShga kirishiga qo‘yilgan taqiq emas degan fikrda qat’iy turib oldi, shuningdek, OAVlarni uning qarorini noto‘g‘ri talqin qilganlikda aybladi. Bu haqda Amerika prezidentining Oq uy tarqatgan bayonotida aytiladi, deb yozadi “Gazeta.ru”.
“Shunga aniqlik kiritmoqchimanki, ushbu farmon (AQShga yettita musulmon mamlakati fuqarolari kirishini vaqtinchalik taqiqlash to‘g‘risidagi farmon) — OAVlar xatolik bilan xabar qilganidek, barcha musulmonlarning AQShga kirishiga qo‘yilgan taqiq emas. Gap dinda emas, gap terrorizmda va bizning mamlakatimizni xavfsizroq qilishga intilishda”, — deyiladi hujjatda.
Uning so‘zlariga ko‘ra, 90 kun o‘tgach, AQSh yana barcha davlatlar fuqarolariga vizalar berishni boshlaydi. Shu vaqt ichida, Tramp qayd etishicha, hukumat mamlakatda xavfsizlikni ta’minlovchi yangi siyosiy choralarni ko‘rib chiqish va kiritishga ulguradi.
Izoh (0)