Buyuk Britaniya taxti vorislari shahzoda Uilyam va uning ukasi shahzoda Garri onalari malika Diana o‘limining 20 yilligiga atab Londonda haykal o‘rnatadi. Bu haqda “TASS” xabar bermoqda.
Onamiz vafot etganidan beri 20 yil o‘tdi. Sharafiga haykal o‘rnatilishi bilan u kishi mamlakatimiz va butun dunyoga ko‘rsatgan ijobiy ta’sirini tan olishning ayni vaqti deb o‘ylaymiz. Mazkur yodgorlik Kensington saroyiga tashrif buyurganlarga malika Diana hayoti va merosini yodga olishda yordam berishiga umidvormiz. Haykal saroy bog‘ida uning o‘g‘illari iltimosiga ko‘ra o‘rnatiladi.Uilyam va Garri yodgorlik uchun mablag‘ yig‘ish bilan shug‘ullanadigan maxsus komissiyani ta’sis etdi. Haykaltaroshning nomi keyinchalik e’lon qilinadi.Shahzodalar Uilyam va Garrining qo‘shma bayonoti
Eslatib o‘tamiz, malika Diana 1997-yil 31-avgustga o‘tar kechasi 36 yoshida avtohalokat oqibatida olamdan o‘tgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)