AQSh Donald Trampning prezidentligi davrida jamiyatdagi hozirgi bo‘linishni yengib o‘tib, rivojlanishda davom eta oladi. Bu haqda millarderlar Bill Geyts va Uorren Baffet Kolumbiya universitetidagi chiqishlari chog‘ida aytib o‘tdi, deya xabar beradi “Kommersant.ru”.
Geytsning fikricha, AQSh prezidenti ma’muriyati va Kongress “ajoyib tashabbuslarni boshlayapti”. Uorren Baffetning ishonch bildirishicha, “Amerika oldinga intilishda davom etadi”.
Baffetning qo‘shimcha qilishicha, “zamonaviy siyosatchilarni 20 yil oldinni o‘ylab harakat qilishga majburlash qiyin”, chunki ularning asosiy vazifasi strategik vazifalarni hal qilish emas, balki qayta saylanishdir.
Bill Geytsning qayd etishicha, hozirgi “ma’muriyat nisbatan yosh”. “Ularning byudjet borasidagi maqsadlari hayotga qay darajada tatbiq etilishini biz hozirdan bilmaymiz”, — deya qo‘shimcha qildi Microsoft asoschisi.
Ma’lumot uchun, Tramp prezident etib saylanganidan keyin Uorren Baffetning mol-mulki 11,1 milliard dollarga oshdi. Bill Geyts asos solgan Microsoft kompaniyasining kapitallashuvi 17 yil mobaynida birinchi bor 500 milliard dollardan oshdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)