Буюк Британия тахти ворислари шаҳзода Уильям ва унинг укаси шаҳзода Гарри оналари малика Диана ўлимининг 20 йиллигига атаб Лондонда ҳайкал ўрнатади. Бу ҳақда «ТАСС» хабар бермоқда.
Онамиз вафот этганидан бери 20 йил ўтди. Шарафига ҳайкал ўрнатилиши билан у киши мамлакатимиз ва бутун дунёга кўрсатган ижобий таъсирини тан олишнинг айни вақти деб ўйлаймиз. Мазкур ёдгорлик Кенсингтон саройига ташриф буюрганларга малика Диана ҳаёти ва меросини ёдга олишда ёрдам беришига умидвормиз. Ҳайкал сарой боғида унинг ўғиллари илтимосига кўра ўрнатилади.Уильям ва Гарри ёдгорлик учун маблағ йиғиш билан шуғулланадиган махсус комиссияни таъсис этди. Ҳайкалтарошнинг номи кейинчалик эълон қилинади.Шаҳзодалар Уильям ва Гаррининг қўшма баёноти
Эслатиб ўтамиз, малика Диана 1997 йил 31 августга ўтар кечаси 36 ёшида автоҳалокат оқибатида оламдан ўтган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)