AQSh Yaman hududida “Al-Qoida”ga qarshi maxsus operatsiya o‘tkazdi. 30 jangari, 10 tinch aholi vakili, bir amerikalik halok bo‘ldi

AQSh Donald Tramp mamlakat prezidenti lavozimiga kirishganidan so‘ng ilk bor Yaman hududida harbiy operatsiya o‘tkazdi, deya xabar bermoqda “Kommersant”.

Mahalliy ma’muriyat ma’lumotlariga ko‘ra, AQSh harbiylari tomonidan o‘tkazilgan maxsus operatsiya oqibatida “Al-Qoida”ning 30 nafar jangarisi, jumladan, uch yuqori lavozimli vakili yo‘q qilingan.

Ayni vaqtda, AFP axborotiga ko‘ra, operatsiya natijasida 10 nafar tinch aholi vakili ham qurbon bo‘lgan. Bundan tashqari, bir amerikalik harbiy xizmatchi halok bo‘lgan, uch nafari tan jarohati olgan.

AQSh qo‘mondonligining qayd etishicha, maxsus operatsiya prezident Donald Tramp bilan kelishilgan holda o‘tkazilgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.