АҚШ Яман ҳудудида «Ал-Қоида»га қарши махсус операция ўтказди. 30 жангари, 10 тинч аҳоли вакили, бир америкалик ҳалок бўлди

АҚШ Дональд Трамп мамлакат президенти лавозимига киришганидан сўнг илк бор Яман ҳудудида ҳарбий операция ўтказди, дея хабар бермоқда «Коммерсантъ».

Маҳаллий маъмурият маълумотларига кўра, АҚШ ҳарбийлари томонидан ўтказилган махсус операция оқибатида «Ал-Қоида»нинг 30 нафар жангариси, жумладан, уч юқори лавозимли вакили йўқ қилинган.

Айни вақтда, AFP ахборотига кўра, операция натижасида 10 нафар тинч аҳоли вакили ҳам қурбон бўлган. Бундан ташқари, бир америкалик ҳарбий хизматчи ҳалок бўлган, уч нафари тан жароҳати олган.

АҚШ қўмондонлигининг қайд этишича, махсус операция президент Дональд Трамп билан келишилган ҳолда ўтказилган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.