AQSh prezidenti Donald Trampning 2017-yilda amalga oshishi rejalashtirilgan Birlashgan Qirollikka tashrifi uning Britaniya taxti vorisi Uels shahzodasi Charlz bilan ko‘rishishni istamasligi sababli bekor qilinishi mumkin, deb yozadi “TASS”.
The Sunday Times gazetasi Britaniya hukumatidagi manbalariga tayanib ma’lum qilishicha, ziddiyatlar asosida Tramp va Charlzning iqlim o‘zgarishlari muammosi borasidagi qarashlarida mavjud bo‘lgan farqlar yotadi.
Gazeta ma’lumotlariga ko‘ra, Trampning yordamchilari atrof-muhit himoyachisi bo‘lgan Charlz uchun Amerika prezidentiga hayot haqida nasihat berish samarasiz bo‘lishi va Tramp unga bosim o‘tkazishsa, portlab ketishi mumkinligi haqida ogohlantirgan. AQSh ma’muriyatidagilar Buyuk Britaniyaga tashrifi chog‘ida Tramp Charlz bilan emas, balki uning o‘g‘illari Uilyam va Garri bilan uchrashishini istaydi.
Londondagilar esa davlat tashrifi formati vorisning tadbirlarda albatta ishtirok etishini ko‘zda tutishi, aks holda protokol jiddiy buzilishini aytmoqda.
27-yanvar kuni AQShga tashrifi davomida Britaniya bosh vaziri Tereza Mey Tramp qirolicha Yelizaveta II taklifiga binoan 2017-yilda Buyuk Britaniyaga kelishini ma’lum qilgan edi. OAVlar ma’lumotlariga ko‘ra, tashrif uchun muvofiq vaqt sifatida iyun bilan birga oktabr ham ko‘rib chiqilmoqda.
Izoh (0)