Vengriya Yevroittifoq tomonidan Rossiyaga qarshi joriy etilgan sanksiyalarni “befoyda” deb atadi

Vengriya tashqi ishlar vaziri Peter Siyyartoning ma’lum qilishicha, Yevropa Ittifoqining Rossiyaga qarshi qaratilgan sanksiyalari befoydadir.

Vazir Reuters’ga bergan intervyusida Yevropa Ittifoqining bu sanksiyalari sabab Vengriya milliardlab dollarlik eksport imkoniyatlarini qo‘ldan chiqarganini qayd etib o‘tdi.

“Sanksiyalardan foyda yo‘q — Vengriyaning nuqtai nazari shunday”, — deya aniqlik kiritdi Siyyarto.

Diplomatning so‘zlariga ko‘ra, Vengriya Rossiyaga qarshi qaratilgan sanksiyalar sabab, eksport imkoniyatlaridan mahrum bo‘ldi va 6,5 milliard dollarni yo‘qotdi.

Siyyartoning ta’kidlashicha, rasmiy Budapesht Rossiyaga qarshi sanksiyalarning bekor qilinishi tarafdori va Rossiyani tahdid sifatida ko‘rmaydi.

Avvalroq AQSh prezidenti Donald Tramp Rossiyaga qarshi sanksiyalarni bekor qilish bo‘yicha farmon tayyorlayotgani haqida xabarlar tarqalgan edi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.