Rossiyaga qarshi uning Ukraina inqirozidagi roli sabab joriy etilgan sanksiyalarni bekor qilish imkoniyatlari ko‘rib chiqilmoqda, deya xabar berdi Meduza.
Bu haqda AQSh prezidenti Donald Trampning maslahatchisi Kellienn Konuey Fox News telekanaliga bergan intervyusida aytib o‘tgan.
27-yanvar kuni bir qator amerikalik jurnalistlar Tramp ma’muriyatidagi manbalarga asoslanib, Rossiyaga qarshi sanksiyalarni bekor qilish bo‘yicha qonun loyihasi tayyorlanayotgani haqida ijtimoiy tarmoqlarda ma’lum qildi.
28-yanvar kuni Tramp AQSh prezidenti lavozimiga kirishganidan keyin birinchi marta Rossiya prezidenti Vladimir Putin bilan telefon orqali suhbatlashishi kutilmoqda.
Rossiya prezidentining matbuot kotibi Dmitriy Peskov OAVda paydo bo‘lgan sanksiyalarni bekor qilish haqidagi xabarlarga munosabat bildirarkan, Kremldagilar mazkur axborotning haqiqatga qanchalik yaqin ekanini bilmasligini aytib o‘tdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)