Xitoyda Sinopec neft kompaniyasi sobiq rahbari poraxo‘rlik uchun 15,5 yilga qamaldi

Xitoyning Sinopec neft kompaniyasi sobiq bosh direktori Van Tyanpu poraxo‘rlik uchun 15 yil-u 6 oyga qamoqqa mahkum etildi, deb yozadi “TASS”.

Tergov aniqlashicha, 2003—2014-yillarda Van Tyanpu biznes-loyihalarni jadallashtirishda yordam bergani uchun uchinchi shaxslardan 33 million yuan (4,8 million dollar)dan ziyodroq pul olgan, shuningdek, 7,9 million yuan (1,1 million dollar) davlat mablag‘larini o‘zlashtirgan.

Mahkumga ushbu ish bo‘yicha 3,2 million yuan (470 ming dollar) miqdorida jarima belgilandi. Sud qarorida aytilishicha, Sinopec sobiq rahbari tergov bilan hamkorlik qilgani uchun, unga nisbatan hukm yumshatilgan. Van Tyanpu o‘z aybini tan oldi va apellyatsiya berish niyati yo‘qligini ma’lum qildi.