Qirg‘izistonning Chuy viloyatidagi maktablardan birida tahsil oluvchi 11-sinf o‘quvchisi Ayturgan Jo‘ldoshbekova BMTning Global gender zo‘ravonligiga qarshi kurash kuniga bag‘ishlangan yig‘ilishida nutq o‘qidi. Bu haqda Knews xabar bermoqda.
O‘z nutqida o‘quvchi qiz o‘zi a’zosi hisoblangan “Qirg‘iziston milliy qizlari” federatsiyasining faoliyati haqida so‘zlab bergan.
Ayturgan Nyu-Yorkda tashkil etilgan mazkur tadbirning eng yosh ishtirokchisi bo‘lgan va, o‘zining qayd etishicha, nutqidan so‘ng uning oldiga BMTning sobiq bosh kotibi Pan Gi Mun kelib, shunday degan:
“Biz faxrlanamiz! Qirg‘iziston — inson huquqlarini himoya qiluvchi mamlakat, muvaffaqiyat tilayman!”.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)