Tennis bo‘yicha Australian Open–2017 musobaqasining ilk bosqichidan muvaffaqiyatli o‘tgan o‘zbekistonlik Denis Istomin ikkinchi davrada jahonning ikkinchi raketkasi – serbiyalik Novak Jokovichga qarshi bahs olib boradi. Bu haqda “Olamsport” xabar bermoqda.
Denis Istomin kecha, 17-yanvar kuni o‘tkazilgan ilk davrada xorvatiyalik Ivan Dodigni 4 setda – 6:1, 6:4, 3:6, 7:5 mag‘lub etishga erishgan.
Novak Jokovich Australian Open musobaqasida olti marta (2008, 2011, 2012, 2013, 2015 va 2016-yillar) chempion bo‘lgan. Istomin ertaga, 19-yanvar kuni musobaqaning amaldagi chempioniga qarshi kortga chiqadi.
Istomin hamda Jokovich bugunga qadar 5 marta to‘qnash kelgan. Ularning barchasida serbiyalik tennischi g‘olib chiqqan.
Jokovich – Istomin to‘qnashuvlari:
2010 yil – Australian Open (6:1, 6:1, 6:2)
2011 yil – Miami Masters (6:0, 6:1)
2013 yil – Kanada Masters (2:6, 6:4, 6:4)
2014 yil – Australian Open (6:3, 6:3, 7:5)
2014 yil – Dubai Duty Free Championship (6:3, 6:3)
Ma’lumot uchun, Istomin ayni paytda ATP reytingida 117-pog‘onada bormoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)