Australian Open–2017 ни ғалаба билан бошлаган Денис Истомин дунёнинг 2-ракеткаси Новак Жоковичга қарши ўйнайди

Теннис бўйича Australian Open–2017 мусобақасининг илк босқичидан муваффақиятли ўтган ўзбекистонлик Денис Истомин иккинчи даврада жаҳоннинг иккинчи ракеткаси – сербиялик Новак Жоковичга қарши баҳс олиб боради. Бу ҳақда «Оламспорт» хабар бермоқда.

Денис Истомин кеча, 17 январь куни ўтказилган илк даврада хорватиялик Иван Додигни 4 сетда – 6:1, 6:4, 3:6, 7:5 мағлуб этишга эришган.

Новак Жокович Australian Open мусобақасида олти марта (2008, 2011, 2012, 2013, 2015 ва 2016 йиллар) чемпион бўлган. Истомин эртага, 19 январь куни мусобақанинг амалдаги чемпионига қарши кортга чиқади.

Истомин ҳамда Жокович бугунга қадар 5 марта тўқнаш келган. Уларнинг барчасида сербиялик теннисчи ғолиб чиққан.

Жокович – Истомин тўқнашувлари:

2010 йил – Australian Open (6:1, 6:1, 6:2)

2011 йил – Miami Masters (6:0, 6:1)

2013 йил – Kanada Masters (2:6, 6:4, 6:4)

2014 йил – Australian Open (6:3, 6:3, 7:5)

2014 йил – Dubai Duty Free Чампионшип (6:3, 6:3)

Маълумот учун, Истомин айни пайтда ATP рейтингида 117-поғонада бормоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.