AQSh boshchiligidagi xalqaro koalitsiya Iroqning Mosul shahrida IShID jangarilariga bergan aviazarbasi tufayli tinch aholi jabr ko‘rgan bo‘lishi mumkin. Bu haqda koalitsiya bayonotiga tayanib, Reuters ma’lum qildi.
Hodisa 29-dekabr, payshanba kuni ro‘y berdi. Koalitsiya nishoni oldinroq tankka qarshi granatomyotdan o‘qqa tutgan va mikroavtobusga joylashib olgan jangarilar bo‘ldi. Aviazarba mashina qo‘yilgan kasalxona avtoturargohiga qaratildi.
“Buning oqibatida tinch aholi o‘rtasida qurbonlar bo‘lishi mumkin”, — deyiladi koalitsiya bayonotida. Yuz bergan holat bo‘yicha tekshiruv boshlandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)