Turkiya parlamenti komissiyasi mamlakat konstitutsiyaga kiritiladigan tuzatishlar loyihasini tasdiqladi, ular Turkiya prezidenti vakolatlarini kengaytiradi, deb yozadi “Gazeta.ru”.
Anadolu agentligi ma’lumotlariga ko‘ra, parlamentning konstitutsiyaviy komissiyasi Turkiya konstitutsiyasiga kiritiladigan tuzatishlar to‘g‘risidagi qonun loyihasini qabul qildi, uni hukmron “Adolat va taraqqiyot partiyasi”ning 316 deputati imzoladi.
Qonun loyihasini muhokama qilish 20-dekabrda boshlanib, to‘qqiz kun davom etdi. So‘nggi kunda komissiya muhokamaga 17 soat sarfladi.
Reuters ta’kidlashicha, kelasi yilning bahorida Turkiya ushbu tuzatishlarni qabul qilish borasida referendum o‘tkazishni rejalashtirmoqda.
Izoh (0)