Amerikaning Arkanzas shtati prokuraturasi sudga murojaat qilib, Amazon kompaniyasidan qotillikni tekshirish uchun Amazon Echo “aqlli dinamik” ma’lumotlarini taqdim etishni talab qildi, deb yozadi “Korrespondent.net”. Tergovchilar qurilma Viktor Kollinzning 2015-yil 22-noyabrda Bentovill shahrida o‘ldirilishi bilan bog‘liq suhbatlarni yozib olgan bo‘lishi mumkin, deb taxmin qildi.
Politsiya Kollinzning jasadini uning o‘rtog‘i Jeyms Beytsning uyidagi vannadan topib oldi. Beytsga ayblov e’lon qilindi. Amazon’dagilar politsiya talablarini ortiqcha deb topdi.
Kompaniyaning rasmiy vakili Amazon yuridik talab bo‘lmagan taqdirda o‘z mijozlari ma’lumotlarini e’lon qilmasligini aytdi.
Amazon Echo ichki mikrofonga ega dinamik bo‘lib, u odamning nutqiga javob ko‘rsatadi: uni yozib oladi va bulutli omborxonaga yuboradi.
Avgust oyida sudya qurilmadan barcha yozuvlarni olish uchun order yozib berdi. Biroq tergovga faqat akkaunt haqidagi axborot berildi, xolos.
Izoh (0)