IKEA kompaniyasi Rossiya do‘konlaridan ishlatilgan batareyalarni yig‘ib olishni to‘xtatdi, bunga Rossiyada batareyalarni utulizatsiya qilish bo‘yicha pudratchi yo‘qligi sabab bo‘ldi, deb yozadi “RBK” Rossiyadagi IKEA matbuot kotibi Igor Kisilga tayanib.
Savdo kompaniyasining pudratchisi — Chelyabinskning “Megapolis resurs” zavodi “Ishlab chiqarish va iste’mol chiqindilari to‘g‘risida”gi federal qonunga tuzatishlar kiritilganidan keyin litsenziyasini yangilashga ulgurmadi. Kompaniya har qanday variantlarni, shu jumladan, mamlakat tashqarisidan boshqa pudratchi topishni ko‘rib chiqmoqda.
“Chet el korxonalarini biz ko‘rib chiqmayapmiz, chunki ular bilan hamkorlik xavfli chiqindilar eksportidek muammoni keltirib chiqaradi”, — deya aniqlik kiritdi Kisil.
Uning so‘zlariga ko‘ra, IKEA qayta ishlovchilarga topshirilgan batareyalarning har bir kilogrammi uchun pul to‘laydi. Matbuot kotibi ta’kidlashicha, 2014-yil yozidan buyon qayta ishlashga 50 tonnadan ortiq batareya yuborilgan.
Izoh (0)