Bahrayn qirolligining amaldagi rahbari Hamad ibn Isa Al Xalifa yahudiylarning Xanuka bayramini 50 kishidan oshmaydigan mahalliy yahudiylar jamiyati a’zolari bilan birga kutib oldi, deya xabar bermoqda TJournal.
Minnatdorlik belgisi sifatida bahraynlik yahudiylar qirolga bayramning asosiy atributi bo‘lgan Xanuka shamdonini sovg‘a qildi.
Hamad ibn Isa Al Xalifa yahudiylar masalasida arab dunyosi uchun liberal bo‘lgan qarashlari bilan taniqli. 2008-yilda u yahudiy ayolni mamlakatning AQShdagi elchisi etib tayinlagan, keyinroq o‘z maslahatchilari safiga bir necha nafar yahudiyni qo‘shgan edi.
2015-yilda esa Bahrayn qiroli Yevropadagi yahudiylar yetakchilarini qirollik poytaxtiga taklif qilib, sham yoqish marosimini o‘tkazgan va o‘z siyosatining tinch xususiyatini davom ettirish niyatini ma’lum qilgan edi.
Izoh (0)