Kuba rasmiylari yaqinda vafot etgan mamlakat inqilobi yetakchisi Fidel Kastro sharafiga ko‘chalar, bog‘lar va boshqa jamoat joylarini nomlashni man etdi. Hukumat shu tariqa shaxsga sig‘inish yuzaga kelishining oldini olish niyatida, deya ma’lum qildi TJournal.
Mamlakat parlamenti 27-dekabr, seshanba kuni bu boradagi tegishli qonunni ma’qulladi. Jamoat joylarida Kastro nomidan foydalanishni taqiqlashdan tashqari, rasmiylar uning siymosini yodgorliklarda foydalanishni ham man etdi.
Ma’lumot uchun, Kubaning amaldagi rahbari Raul Kastro akasi hayotlik chog‘ida ham buni yoqtirmagani uchun Fidel atrofida shaxsga sig‘inishni yuzaga keltirmaslikni va’da qilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)