Yaponiya imperatori Akixito 2017-yil 1-yanvarda xalqqa so‘nggi marta Yangi yil tabrigi bilan murojaat qiladi, deya xabar bermoqda “TASS”. Imperator saroyi boshqarmasi rahbari Yasuxiko Nisimura aytishicha, kelasi yildan imperatorni ushbu vazifadan ozod etishga qaror qilingan.
“Boshqaruv uning yoshidagi imperator qanday majburiyatlarni bajarishi kerakligi ustidan doimo diqqat bilan nazorat olib boradi”, — dedi Nisimura bo‘lib o‘tgan matbuot anjumanida.
Akixito 1989-yilda taxtga o‘tirganidan buyon har yili xalqqa Yangi yil tabrigi bilan murojaat qilib kelgan. Endi 23-dekabr kuni 83 yoshini nishonlagan imperatorga biroz yengillik berish maqsadida uni bu vazifadan ozod etishga qaror qilindi.
Ammo u boshqa Yangi yil marosimlarini avvalgidek bajarib boradi. Masalan, 2-yanvar kuni saroyning o‘q o‘tmaydigan shisha bilan himoyalangan balkoniga — uni Yangi yil bilan tabriklash uchun yig‘ilgan o‘n minglab yaponiyaliklar qarshisiga chiqadi.
Izoh (0)