Yuz terisiga zarar yetkazuvchi mahsulotlardan ehtiyot bo‘ling

Shunday mahsulotlar borki, ularni iste’mol qilish bizning husnbuzarlardan qutulish maqsadida ko‘rgan choralarimizni yo‘qqa chiqaradi.

Chipslar va kartoshka fri

Kanserogen va zararlilikda bu ikkalasidan oshib tushuvchi boshqa mahsulot yo‘q desak ham bo‘ladi. Ko‘pincha ularni iste’mol qilish natijasida boshning quloq va chakka qismlarida toshmalar paydo bo‘ladi.

Shirinlik

Sutli shokolad, marmelad, obaki va jeleli konfetlar husnbuzar keltirib chiqarishining ikkita sababi bor: organizmda insulin darajasining ko‘tarilishi va androgen konsentratsiyasining oshishi. Bundan tashqari shirinliklar tarkibida sog‘liq uchun zararli bo‘lgan katta miqdorda kimyoviy quyuqlashtiruvchi va rang beruvchi moddalar mavjud.

Suxariklar, sho‘r danaklar, popkorn

Bu “uchlik” tarkibida ham organizm uchun zararli bo‘lgan va har xil toshmalar chiqishiga sabab bo‘luvchi konservant va emulgatorlar mavjud.

Do‘kondagi sut, pishloq, muzqaymoq va yogurtlar

Supermarketlardan sotib olingan sut, pishloq, muzqaymoq va yogurtlar ham ko‘pincha toshmalar chiqishiga sababchi bo‘ladi.

Bularni qanday bartaraf qilish mumkin?

Birdan-bir yo‘li – yoki cheklov qo‘yish, yoki zararli mahsulotlardan butunlay voz kechish.

Agar siz chips va fridan voz kecha olmasangiz, ularni, unchalik zararli bo‘lmagan – uyda qovurilgan kartoshka bilan almashtirish mumkin.

Shirinlikni mevalarga, shakarni esa asalga almashtiramiz.

Suxariklarni ham chipslar kabi uyda tayyorlash mumkin, uyda tayyorlangan suxariklarning esa zarari yo‘q.

Sut va sutli mahsulotlarni yaxshisi, bozordagi ishonchli sotuvchilardan sotib olgan ma’qul.