Qish faslida eng foydali bo‘lgan oziq-ovqat mahsulotlari

Qish faslida ratsionni qanday mahsulotlar bilan to‘ldirgan ma’qul?

Na’matak

Bu o‘simlik vitamin va minerallar xazinasi hisoblanadi. Uning tarkibi kalsiy, kaliy, temir va marganets moddalariga juda boy. Na’matak sharbati yoki damlamasi immunitetni oshiradi va modda almashinuvini yaxshilaydi. Shuningdek, u qarishga to‘sqinlik qiluvchi kuchli antioksidant hisoblanadi.

Xurmo

Xurmoda ichaklar faoliyatiga va toksinlarni chiqarishga yordam beruvchi kletchatkalar (olmadagidan ikki baravar) ko‘p. Xurmo ichak mikrofloralarini yaxshilaydi va immunitetni ko‘taradi. Xurmoda yurak uchun foydali bo‘lgan moddalar – kaliy, magniy, kalsiy va anemiyani davolovchi – mis, temir, marganets moddalari mavjud.

Quruq mevalar

Mevalar quritilganda deyarli hamma foydali moddalar saqlanib qoladi. Quruq mevalar vitamin va minerallarga boy bo‘lib, ayniqsa, bargak, anjir va olxo‘ri qoqilar ovqat hazm qilish jarayoni uchun juda foydali hisoblanadi.

Qizil lavlagi

Lavlagi kletchatka, organik kislotalar yordamida ichak faoliyatini yaxshilaydi va uni zararli bakteriyalardan tozalaydi. U jigarning yog‘lardan xolos bo‘lishiga, tomirlarni tozalashga va qon ishlab chiqarishga yordam beradi. Qizil lavlagini pishirish jarayonida foydali xususiyatlari biroz kamayadi.