Eng ko‘p quvvatimizni ham, kuchimizni ham asosan uy ishlariga sarflaymiz. Ozmoqchimisiz? Energiyani to‘g‘ri sarflamoqchi bo‘lsangiz, kunni shunga moslab rejalashtiring.
Xarid
Oziq-ovqat va boshqa mayda-chuydalarni do‘konlardan xarid qilib kelish uchun 1 soatda 260 kaloriya sarflanadi.
Ovqat pishirish
Ovqat pishirish jarayoniga 1 soatda 90—100 kaloriya sarf qilinadi.
Uy yig‘ishtirish
Uy ishlariga yarim soat ichida 115—140 kaloriyagacha energiya sarf qilinadi. Eng ko‘p energiyamiz changyutkichda tozalash, pol yuvish, supurish, vannaxona va hojatxonani yuvishga sarflanadi.
Ta’mirlash ishlari
Bo‘yash, gulqog‘oz yopishtirish va shunga o‘xshash ishlar uchun usta yollagandan ko‘ra o‘zingiz shug‘ullansangiz anchagina kuch sarf qilgan bo‘lasiz. Bo‘yoq qilishga 1 soatda 500 kaloriyagacha energiya sarflanadi.
Bog‘dagi ishlar
Ekish, o‘toq qilish, so‘g‘orish va hosilni yig‘ib olish ishlariga eng ko‘p energiya (1 soatda 330 kaloriyagacha) sarflanadi.