Энг кўп қувватимизни ҳам, кучимизни ҳам асосан уй ишларига сарфлаймиз. Озмоқчимисиз? Энергияни тўғри сарфламоқчи бўлсангиз, кунни шунга мослаб режалаштиринг.
Харид
Озиқ-овқат ва бошқа майда-чуйдаларни дўконлардан харид қилиб келиш учун 1 соатда 260 калория сарфланади.
Уй ишларига ярим соат ичида 115—140 калориягача энергия сарф қилинади. Энг кўп энергиямиз чангюткичда тозалаш, пол ювиш, супуриш, ваннахона ва ҳожатхонани ювишга сарфланади.
Таъмирлаш ишлари
Бўяш, гулқоғоз ёпиштириш ва шунга ўхшаш ишлар учун уста ёллагандан кўра ўзингиз шуғуллансангиз анчагина куч сарф қилган бўласиз. Бўёқ қилишга 1 соатда 500 калориягача энергия сарфланади.
Боғдаги ишлар
Экиш, ўтоқ қилиш, сўғориш ва ҳосилни йиғиб олиш ишларига энг кўп энергия (1 соатда 330 калориягача) сарфланади.