20—23-dekabr kunlari Pekin shahrida Shanxay Hamkorlik Tashkilotiga a’zo davlatlar Milliy koordinatorlari kengashining navbatdagi majlisi bo‘lib o‘tdi, deb yozadi UzReport.
Qozog‘iston, Xitoy, Qirg‘iziston, Rossiya, Tojikiston va O‘zbekiston vakillari tashkilot faoliyatining dolzarb jihatlarini, xususan, ShHTdagi Qozog‘iston raisligi doirasida Ostona shahrida tashkilotga a’zo mamlakatlar rahbarlari kengashining navbatdagi majlisini o‘tkazish va boshqa tadbirlarga tayyorgarlik bilan bog‘liq masalalarni muhokama qildi.
Majlisda Toshkent shahrida imzolangan Hindiston va Pokistonning ShHTga a’zo bo‘lish borasidagi majburiyatlari to‘g‘risidagi memorandumlar kuchga kirishi uchun zarur bo‘lgan ichki davlat protseduralarining bajarilishi haqida ma’lumot tinglandi.
Milliy koordinatorlar, shuningdek, ShHT kun tartibidagi boshqa masalalar bo‘yicha ham fikr almashdi.
Izoh (0)