20—23 декабрь кунлари Пекин шаҳрида Шанхай Ҳамкорлик Ташкилотига аъзо давлатлар Миллий координаторлари кенгашининг навбатдаги мажлиси бўлиб ўтди, деб ёзади UzReport.
Қозоғистон, Хитой, Қирғизистон, Россия, Тожикистон ва Ўзбекистон вакиллари ташкилот фаолиятининг долзарб жиҳатларини, хусусан, ШҲТдаги Қозоғистон раислиги доирасида Остона шаҳрида ташкилотга аъзо мамлакатлар раҳбарлари кенгашининг навбатдаги мажлисини ўтказиш ва бошқа тадбирларга тайёргарлик билан боғлиқ масалаларни муҳокама қилди.
Мажлисда Тошкент шаҳрида имзоланган Ҳиндистон ва Покистоннинг ШҲТга аъзо бўлиш борасидаги мажбуриятлари тўғрисидаги меморандумлар кучга кириши учун зарур бўлган ички давлат процедураларининг бажарилиши ҳақида маълумот тингланди.
Миллий координаторлар, шунингдек, ШҲТ кун тартибидаги бошқа масалалар бўйича ҳам фикр алмашди.
Изоҳ (0)