Buyuk Britaniya harbiy-havo kuchlari 2017-yil bahoridan Suriyaning Rakka shahridagi IShID marralariga keng ko‘lamli hujum boshlashni rejalashtirmoqda. Bu haqda The Telegraph nashri ma’lum qildi, deya xabar beradi “Interfaks”.
Gazetaning mamlakat qurolli kuchlaridagi manbalariga ko‘ra, harbiy aviatsiya e’tiborini Iroqdan Suriyaga qaratadi. The Telegraph o‘tgan yili Britaniya HHK Iroqda jangarilarga 347, Suriyada esa atigi 60 marotaba zarba berganini eslatib o‘tgan.
“Suriyadagi aviazarbalar ‘Suriya demokratik kuchlari’ qurolli koalitsiyasi tuzilmalariga ko‘mak tarzida amalga oshiriladi. Biz ularning a’zolarini mashq qildirishni kengaytiramiz va Rakkadagi operatsiyani havodan qo‘llab-quvvatlashni kuchaytiramiz”, — deya ta’kidladi manba.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)