Xitoy tashqi ishlar vazirligining rasmiy vakili Xua Chunin ma’lum qilishicha, AQShning amaldagi prezidenti Barak Obama tomonidan mamlakatning Tayvan bilan hamkorligi ko‘zda tutilgan harbiy byudjetning imzolanishi tufayli, Pekin Vashingtonga arznoma yozgan. Bu haqda muassasa saytiga tayanib, “Gazeta.ru” xabar berdi.
“Biz AQSh harbiy byudjeti to‘g‘risidagi qonunga qat’iyan qarshi chiqamiz va Amerika tomoniga allaqachon arznoma bilan murojaat qildik. Ushbu qonunning imzolanishiga keskin norozilik bildiramiz”, — deyiladi Xua Chuninning bayonotida.
Muassasa vakili Tayvan masalasi Xitoyning suvereniteti va hududiy daxlsizligiga taalluqli bo‘lib, Xitoyning ichki ishi hisoblanishini ta’kidladi. U byudjetdagi ushbu band Xitoy ichki ishlariga aralashish va AQSh o‘z bo‘yniga olgan majburiyatlarning buzilishi bo‘lishini qayd etdi.
“Biz Xitoy—Amerika aloqalariga, Tayvan bo‘g‘ozidagi barqarorlik va tinchlikka putur yetmasligi uchun, Amerika tomonini ushbu masala bo‘yicha o‘z zimmasiga olgan majburiyatlarini bajarishga, Tayvan bilan harbiy aloqalarni hamda unga qurol yetkazib berishni to‘xtatishga chaqiramiz”, — deya xulosa yasadi Xua Chunin.
Izoh (0)