Sinxron suzish bo‘yicha olimpiya chempionlari shousi Rossiya mudofaa vazirligining Tu-154 samolyoti qulashi natijasida halok bo‘lganlar xotirasiga e’lon qilingan motam tufayli, boshqa kunga ko‘chirildi, deya xabar bermoqda “TASS” Rossiya sinxron suzish federatsiyasi prezidenti Aleksey Vlasenkoga tayanib.
Shou dastlab 26-dekabrga rejalashtirilgan edi. Vlasenkoning aytishicha, tadbir 9-yanvar kuni o‘tkaziladi.
Har yili an’anaviy tarzda bo‘lib o‘tadigan tadbirni uch karra olimpiya chempionlari Mariya Kiselyova va Olga Brusnikina olib boradi. Bu yil shouda Olimpiada—2016 da g‘olib bo‘lgan Rossiya termasi, besh karra olimpiya chempionlari Natalya Ishchenko va Svetlana Romashina ishtirok etadi.
Shou dasturida Rossiya sinxron suzish federatsiyasi yilning eng yaxshi sportchilari va murabbiylarini e’lon qiladi.
Avvalroq Rossiya Mudofaa vazirligiga tegishli Tu-154 samolyoti Qora dengizga qulashi munosabati bilan, mamlakat federal telekanallari ko‘ngilochar ko‘rsatuvlarni efirdan olgani xabar berilgan edi.
25-dekabr kuni tongida Rossiyaning Adleridan Suriyaning Latakiya shahriga uchayotgan Rossiya Mudofaa vazirligi samolyoti qulagani ma’lum bo‘ldi. Tu-154 ning bortida 92 kishi, xususan, 84 yo‘lovchi va ekipajning sakkiz a’zosi bo‘lgan.
Aviahalokat munosabati bilan Rossiya prezidenti Vladimir Putin Tu-154 qurbonlarining oila a’zolari va yaqinlariga hamdardlik bildirdi, shuningdek, 26-dekabrni Rossiyada umummilliy motam kuni deb e’lon qildi.
Izoh (0)