AQShda Texas shtatidan senator, respublikachi Ted Kruz Xavfsizlik Kengashining Isroilga qarshi rezolyutsiyasidan keyin BMTni moliyalashtirishni to‘xtatishni taklif qildi, deb yozadi “Korrespondent.net”.
“Qaror qayta ko‘rib chiqilmagunicha, BMT uchun hech qanday amerikacha moliyalashtirish yo‘q”, — deya senator Isroil bosh vaziri Binyamin Netanyaxuni ishontirdi.
Shuningdek, Kruzning ta’kidlashicha, senator Lindsi Grexem va AQShning saylangan prezidenti Donald Tramp birgalikda “BMTning Amerika tomonidan moliyalashtirilishini sezilarli ravishda qisqartirish yoki butunlay to‘xtatish, shuningdek, ushbu rezolyutsiyani qo‘llab-quvvatlagan davlatlar uchun moliyaviy ko‘makni jiddiy tarzda qayta ko‘rib chiqish” ustida ishlaydi.
Kruz, bundan tashqari, Isroil bosh vazirini BMT Xavfsizlik Kengashining Isroilning surgun qilish siyosati borasidagi rezolyutsiyasi AQShning tashqi siyosiy yo‘nalishlariga to‘g‘ri kelmasligiga ishontirdi.
Senatorning fikricha, ushbu jarayonda ishtirok etib, rezolyutsiyani qo‘llab-quvvatlagan amaldorlar va diplomatlarning barchasi zudlik bilan iste’foga chiqishi shart.
BMT Xavfsizlik Kengashi 23-dekabr kuni ko‘pchilik ovoz bilan qabul qilgan rezolyutsiya Isroildan Falastinning okkupatsiya qilingan hududlarida manzilgohlar qurib, u yerga yahudiylarni ko‘chirish xatti-harakatlarini zudlik bilan to‘xtatishni talab qiladi.
Izoh (0)