AQShning saylangan prezidenti Donald Tramp o‘z nomidagi jamg‘armaga nisbatan tekshiruv olib borilayotgan vaqtda, uni tarqatib yubora olmaydi. Bu haqda Nyu-York bosh prokurori matbuot kotibi Emi Spitalnik o‘z Twitter’ida ma’lum qildi, deb yozadi “Interfaks”. U tekshiruv tugaydigan muddatni oshkor qilishdan bosh tortdi.
“Jamg‘arma hamon tergov ostida va u yakunlanmagunicha, yopila olmaydi”, — dedi Spitalnik.
Avvalroq AQShning saylangan prezidenti o‘z nomi ostidagi xayriya jamg‘armasining tarqatilishini e’lon qilgan edi. Tashkilotning yopilishini u o‘zining prezidentlik muddati chog‘ida manfaatlar to‘qnashuvi ehtimoli bilan izohladi.
Tergov jamg‘armani 2016-yil sentabridan buyon tekshirmoqda. Oktabrda Nyu-York bosh prokurori Jona Shnayderman Trampning jamg‘armasidan xayriyalarni qabul qilishni to‘xtatishni so‘radi. U tashkilot shtat ma’muriyatida ro‘yxatdan o‘tmagani va shu tariqa qonunni buzayotganini aytdi.
Izoh (0)