KXDR avvalgidek iqtisodiyotni rivojlantirish bilan birga yadroviy salohiyatini mustahkamlab boradi. Bu haqda Koreya Mehnat partiyasi va Davlat kengashi raisi Kim Chen In Pxenyanda 23-dekabr, juma kuni ish boshlagan boshlang‘ich partiya qo‘mitalari kotiblari konferensiyasida ma’lum qildi, deya xabar beradi “TASS”.
Koreya markaziy telegraf agentligiga ko‘ra, Kim Chen In anjuman qatnashchilarini xalqaro siyosiy vaziyat, jumladan, Shimoli-Sharqiy Osiyo va Janubiy Koreyadagi holat bilan tanishtirib o‘tdi.
“Dunyoda yuzaga kelgan vaziyat KXDR ham iqtisodiyotni rivojlantirish, ham yadroviy salohiyatni mustahkamlashga qaror qilib, to‘g‘ri strategik yo‘lni tanlaganini ko‘rsatmoqda. Mamlakat sanksiyalar va imperialistik kuchlar bosimiga qaramay, muvaffaqiyatlarga erishib kelmoqda”, — deya ta’kidladi Shimoliy Koreya rahbari.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)