Belgradda 1972-yili Germaniyaning Xermsdorf shahri osmonida ro‘y bergan aviahalokatda omon qolgan styuardessa Vesna Vulovich olamdan o‘tdi. Bu haqda Serbiyaning Večernje novosti nashri xabar bermoqda.
O‘lim sababiga aniqlik kiritilmadi, biroq Vulovichda salomatligi bilan bog‘liq muammolar bo‘lgani bildirilmoqda. U 67 yoshda edi.
44 yil avval Vesna Vulovich boshidan kechirgan aviahalokat McDonnell Douglas DC-9-32 layneri bortiga xorvat millatchilari olib o‘tgan bomba portlashi tufayli sodir bo‘lgani taxmin qilinadi. Havo kemasidagi 28 kishidan faqat serb styuardessasi 10 160 metr balandlikdan parashyutsiz qulab, tirik qoldi va bu dunyo rekordi deb tan olindi.
Vulovich ko‘plab jarohat olgan va bir necha kun komada yotgandi. Davolanish 16 oy davom etdi, bundan 10 oy mobaynida ayol falaj holatida bo‘lgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)