AQSh mudofaa vazirligini 2017-yilda moliyalashtirilishi xorij targ‘ibotiga qarshi kurash markazining ochilishini ham ko‘zda tutadi. Tegishli qonun mamlakat prezidenti Barak Obama tomonidan imzolandi, deya xabar beradi “RBK”.
Qonunga ko‘ra, mazkur markaz Davlat departamenti tizimiga kiradi, uni tuzish bilan Davlat kotibi, mudofaa vaziri va boshqa qator federal muassasalar rahbarlari shug‘ullanadi.
Markaz vazifalari qatoriga AQSh, shuningdek, ittifoqdoshlari va sheriklari milliy xavfsizligiga tahdid tug‘diradigan xorijiy axborot materiallarini kuzatib borish va baholash, zarurat bo‘lganda dalillarga asoslangan materiallar tarqatishga ko‘mak berish, yolg‘on xabarlarni inkor etish taktikasi va texnikasini shakllantirish kiradi. Buning uchun markazga zamonaviy axborot texnologiyalari taqdim etiladi.
2017 va 2018-yillarda markaz faoliyati uchun davlat tomonidan 80 million dollardan ajratiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)