Rossiya elchisining Turkiyada o‘ldirilishi oldindan rejalashtirilgan, bu jinoyatchining o‘z tashabbusi bo‘lmagan. Bu haqda Turkiya ichki ishlar vaziri Sulaymon Soylu ma’lum qildi, deb yozadi “Korrespondent.net”.
Uning so‘zlariga ko‘ra, mamlakat hukumati Karlovni o‘ldirishda gumon qilinayotgan shaxsning Turkiyaning ham ichkarisidagi, ham tashqarisidagi aloqalarini topishga urinmoqda.
Soylu, shuningdek, hozir “qotil Fatxulla Gyulenning terrorchilik oqimiga aloqador ekanligi yaqqol aniq bo‘lgan”ini ta’kidladi.
Turkiya IIV rahbari huquq-tartibot organlari ushbu ishning “juda muhim tafsilotlari”ni allaqachon aniqlaganini, ammo tergov manfaatlari uchun ularni hozircha oshkor qila olmasligini aytdi.
Soyluning so‘zlariga ko‘ra, Turkiyada 2015-yil iyunida parlament saylovlaridan so‘ng yuz bergan teraktlar va Rossiya elchisining o‘ldirilishi “o‘zaro bog‘liq va yagona rejaning maqsadi hisoblanadi”.
Izoh (0)