Qo‘shma Shtatlar armiyasi insoniyat tarixidagi eng qobiliyatli, kuchli va ta’minlangan armiya hisoblanadi. Bu haqda jurnalistlar uchun brifing chog‘ida AQSh Davlat departamenti rasmiy vakili Jon Kirbi ma’lum qildi, deya xabar beradi “Gazeta.ru”.
Kirbi shu tariqa prezident Vladimir Putinning Rossiya armiyasi ayni paytda har qanday ehtimoliy tajovuzkordan kuchli ekanligi haqidagi bayonotiga javob berdi. U Rossiya qurolli kuchlarining Suriyadagi harakatlari mazkur mamlakat armiyasini ilg‘or deb atashga imkon berishiga shubha bildirdi.
“Men bunday hisoblamayman. Insoniyat tarixida bugungi Qo‘shma Shtatlar armiyasi kabi har narsaga qodir, qobiliyatli, kuchli, eng yaxshi rahbariyatga ega va a’lo darajada ta’minlangan qurolli kuchlar bo‘lmagan”, — deya ta’kidladi Kirbi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)