Nufuzli The Economist jurnali Kolumbiyani “2016-yil mamlakati” deb topdi. Bu haqda “Korrespondent.net” xabar bermoqda.
Nashr o‘z tanlovini nafaqat davlatning iqtisodiy holati, balki rasmiylar fuqarolari hayotini nechog‘li yaxshilagani bilan izohladi. Jurnalistlarga ko‘ra, hukumat va Inqilobiy qurolli kuchlar isyonchilari o‘rtasida sulh tuzilgani Kolumbiya erishgan eng asosiy natijadir. Mamlakatda yarim asr davom etgan qarama-qarshilik 220 ming kishining umriga zomin bo‘lgandi.
“Yil mamlakati” nomini olishga Estoniya, Islandiya, Xitoy, Tayvan va Kanada ham da’vogarlik qilgani bildirilmoqda.
Eslatib o‘tamiz, mamlakat prezidenti Xuan Manuel Santos joriy yili Kolumbiyadagi mojaroni hal qilishdagi sa’y-harakatlari uchun tinchlik bo‘yicha Nobel mukofotiga loyiq ko‘rildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)