AQSh maxsus xizmatlari sobiq xodimi Edvard Snoudenning advokati Ben Vizner 22-dekabr, payshanba kuni AQSh Kongressi Vakillar palatasining razvedka bo‘yicha doimiy maxsus qo‘mitasi ma’ruzasidan fosh qilingan ma’lumotlarni safsata deb atadi. Bu haqda huquqshunos o‘z Twitter’ida aytib o‘tdi, deb yozadi “TASS”.
“Agar siz ushbu mantiqsiz safsata haqida o‘qimoqchi (yoki yozmoqchi) bo‘lsangiz, mana buni o‘qib ko‘rishingiz kerak”, — deb yozdi advokat ma’ruzaning sentabr oyidayoq fosh qilingan birinchi qismini tanqid ostiga oluvchi maqolaga linkni ilova qilib.
Kongressmenlar hech qanday isbot keltirmasdan, AQSh Milliy xavfsizlik agentligi sobiq xodimini Rossiya maxsus xizmatlari bilan aloqada aybladi. Dekabr boshida bergan intervyusida Snoudenning o‘zi bunday turdagi har qanday aloqalarni rad etgan va go‘yoki Rossiya maxsus xizmatlari unga 2013-yilda murojaat qilgan vaqtdan buyon ulardan o‘zini uzoq tutishini ta’kidlagan edi.
Yahoo News onlayn-portali AQSh ma’muriyatidagi manbalariga tayanib, Vashingtonda Snouden Rossiyaga MXA hujjatlarini berib yuborgani bo‘yicha hech qanday dalil yo‘qligini ma’lum qildi. U, shuningdek, AQSh razvedka jamiyati va kongressmenlar Snouden va Moskva aloqalari borasida bir xil fikrda ekanligiga aniqlik kiritdi.
Izoh (0)