Liviyaning Afriqiyah Airways aviakompaniyasiga tegishli olib qochilgan va Maltaga qo‘ndirilgan samolyotdan yo‘lovchilarning birinchi guruhi ozod etildi. Bu haqda Malta bosh vaziri Jozef Muskat Twitter’dagi sahifasida ma’lum qildi.
“Yo‘lovchilarning birinchi guruhi, xususan, ayollar va bolalar, hozirgina ozod etildi”, — deb yozdi Malta bosh vaziri.
Sky News’ning qo‘shimcha qilishicha, samolyotni 25 kishidan iborat guruh tark etgan. Avvalroq samolyot bortida 111 yo‘lovchi va ekipajning 7 nafar a’zosi borligi haqida xabar berilgan edi.
Axborot agentliklari va telekanallar hodisa joyidan garovdagilarning trap orqali samolyotdan chiqib kelayotgani aks etgan foto va videolarni e’lon qilmoqda.
Passengers begin leaving hijacked Libyan plane at Malta Airport; Maltese authorities say they are women and children https://t.co/GDVBBFNEu4 pic.twitter.com/SCPoZOFMzO
— BBC Breaking News (@BBCBreaking) December 23, 2016
Afriqiyah Airways’ning A320 layneri mahalliy “Seba — Tripoli” yo‘nalishi bo‘ylab parvoz qilayotgan vaqtda olib qochilgan edi. Ekipaj komandiri Tripolidagi dispetcherlik xizmati bilan bog‘liq, samolyot olib qochilgani haqida axborot berishga ulgurgan.
Malta nashrlari ma’lumotlariga ko‘ra, samolyot Liviyaning 2011-yili ag‘darilgan yetakchisi Muammar Qaddafi tarafdorlari tomonidan olib qochilgan.
Dastlab samolyot olib qochuvchilar, agar ularning talablari bajarilsa, ekipaj a’zolarini ushlab qolgan holda, yo‘lovchilarni qo‘yib yuborishga rozi bo‘lgan edi. Qanday talablar haqida gap borayotganiga aniqlik kiritilmagan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)