Shveysariyaning Montre shahrida AIBA Ijroiya qo‘mitasi yig‘ilishi va tashkilotning 70 yilligi munosabati bilan bo‘lib o‘tgan tantanali marosimda Rio–2016 Olimpiada chempioni – o‘zbekistonlik Hasanboy Do‘smatov “Yilning eng yaxshi bokschisi” sovrini bilan taqdirlangani haqida xabar berilgandi.
“Sports.uz” nashrining ma’lum qilishicha, mazkur marosimda boshqa yo‘nalishlarda ham g‘oliblarga mukofotlar topshirildi.
AIBA talqini bo‘yicha 2016-yilning eng yaxshilari
Hasanboy Do‘stmatov (O‘zbekiston) – yilning eng yaxshi bokschisi;
Nikola Adams (Buyuk Britaniya) – yilning eng yaxshi ayol bokschisi;
Billi Uolsh (AQSh) – yilning eng yaxshi murabbiyi;
Cuba Domadores (WSB chempioni, Kuba) – yilning eng yaxshi jamoasi;
Vakas Krishan (Hindiston) – APB yo‘nalishida yilning eng yaxshi bokschisi;
Devid Morrell (Kuba, jahon chempioni) – yilning eng yaxshi yosh bokschisi;
Xelmut Ranse – yilning eng yaxshi supervayzeri.
Marosimning faxriy mehmonlari sifatida jahon boksi rivojiga o‘z hissasini qo‘shgan mashhur bokschilar – ukrainalik Vladimir Klichko, hindistonlik Meri Kom, kubalik Feliks Savon va fransiyalik Braxim Aslum tashrif buyurdi.
Tantanali kecha davomida Rio–2016 Olimpiya o‘yinlari g‘olibi Hasanboy Do‘stmatov Atlanta–1996 Olimpiada chempioni Vladimir Klichko bilan birgalikda suratga tushdi.
Qayd etish kerakki, Vladimir Klichko boksga qo‘shgan hissasi va natijalari uchun AIBA tomonidan boks afsonasi deb e’tirof etildi.
Xabarda qayd etilishicha, marosimga yig‘ilganlar boks tarixida yorqin iz qoldirgan, shu yilning 3-iyun kuni vafot etgan hamda “Boks qiroli” sifatida e’tirof etilgan amerikalik bokschi Muhammad Ali xotirladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)