Myunxenning “Bavariya” futbol klubi hujumchisi Robert Levandovski amaldagi shartnomasini yangilaganidan so‘ng, jamoaning eng katta maosh oluvchi futbolchisiga aylandi. Bu haqda “Chempionat” xabar bermoqda.
Bild nashri manbalari bergan axborotga ko‘ra, Polsha terma jamoasi a’zosi “Bavariya”da hujumchi Tomas Myuller va darvozabon Manuel Noyerdan ham ko‘proq maosh oladi.
Xabar berishlaricha, Myuller va Noyerning maoshlari yiliga 15 million yevroni tashkil etadi.
Ma’lumot uchun, Robert Levandovski 2014-yili iyulida “Bavariya”ga o‘tgan va jamoa bilan 2019-yilgacha mo‘ljallangan shartnoma imzolagan. 28 yoshli futbolchining yangi shartnomasi 2021-yil 30-iyungacha amalda bo‘ladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)