Metabolizmni sekinlashtiruvchi 5 odat

Metabolizm – organizmning yegan va ichganlaringizni quvvatga aylantirish jarayoni. Me’yoriy va tezlashgan metabolizmda, semirib ketishdan qo‘rqmasdan, xohlagan ovqatingizni yeya olasiz. Lekin, noto‘g‘ri yashash tarzi ham metabolizmning sekinlashishiga olib keladi. Agar ortiqcha semirib ketishni va sog‘lig‘ingiz bilan bog‘liq muammolar chiqishini xohlamasangiz, ba’zi odatlaringizni tashlashingizga to‘g‘ri keladi.

1.Iste’molning kam quvvatligi

Noto‘g‘ri parhez qilish, ya’ni organizmga quvvat beruvchi oziq-ovqatlarni yetarlicha iste’mol qilmaslik ham metabolizmning sekinlashuviga olib keladi.

2. Oqsilli mahsulotlarni kam iste’mol qilish

Agar, tarkibida oqsil moddasi ko‘p bo‘lgan oziq-ovqatlar yetarlicha iste’mol qilinmasa, organizmning quvvat sarf qilish tezligi pasayadi.

3. Kam harakatlilik

Agar ko‘p vaqtingizni o‘tirib o‘tkazsangiz, organizmda metabolizm sekinlashadi. Sport bilan shug‘ullanish yoki jismoniy mashqlar, hattoki, oddiy uy yig‘ishtirish yoki zinadan tushib-chiqish ham metabolizmning sekinlashmasligi uchun yetarlidir.

4. Kam uxlash

Me’yoridan kam uxlash natijasida organizmda ba’zi bir, shu jumladan, yurak, diabet va depressiya kasalliklari kelib chiqadi. Bundan tashqari, uyquning yetishmasligi metabolizmni sekinlashtiradi va ortiqcha vazn to‘planish ehtimolini oshiradi.

5. Shirin ichimliklarni ko‘p ichish

Olimlarning aniqlashicha, gazli ichimliklar, notabiiy sharbatlar va energetik ichimliklar metabolizm tezligiga salbiy ta’sir ko‘rsatadi.