Uyga mebel qanday tanlanadi?

Ko‘pchilik mebelni to‘g‘ri tanlashning muhimligini o‘ylab ham o‘tirmaydi. U nafaqat chiroyli va qulay, balki, uydagi boshqa jihozlar bilan mos tushishi kerak. Bu maqolada mebel tanlashda qanday xatolarga yo‘l qo‘ymaslik to‘g‘risida maslahatlar berilgan.

Bir qarashda yoqtirish

Do‘konda bir qarashda siz yoqtirgan mebelni tanlashdan oldin, o‘tirishga va yotishga qulayligini tekshirib ko‘ring, tabiiy materialdan yasalganiga ishonch hosil qiling. Ko‘rinishi chiroyli, lekin o‘zi noqulay bo‘lgan mebel yillar davomida ta’bingizni xira qiladi.

Oq rangdan qo‘rqish

Asosiy mebellarni tanlab bo‘lganingizdan so‘ng, qo‘shimcha oq rangni tanlashdan qo‘rqmang. Oq rang uy jihozlariga yorqinlik baxsh etadi.

Beso‘naqay mebel tanlash

Xonaga mebel tanlashdan avval, mebel qo‘yiladigan joyning o‘lchamini bilib oling. Uyingizning har bir burchagidan unumli foydalanishni xohlasangiz, klassik uslubdagi mebeldan ko‘ra, ko‘rinishi ixcham va foydalanishga qulay bo‘lgan mebelni tanlang.

Modaga uchish

Albatta, hozirgi paytda urf bo‘lgan mebellar katalogidan foydalansangiz ham bo‘ladi. Lekin, shuni esda tutingki, katalogda chiroyli va zamonaviy bo‘lib ko‘ringan mebel sizning uyingizga mos kelmasligi mumkin. Bundan tashqari, moda har yili o‘zgarib turadi.