Метаболизмни секинлаштирувчи 5 одат

Метаболизм – организмнинг еган ва ичганларингизни қувватга айлантириш жараёни. Меъёрий ва тезлашган метаболизмда, семириб кетишдан қўрқмасдан, хоҳлаган овқатингизни ея оласиз. Лекин, нотўғри яшаш тарзи ҳам метаболизмнинг секинлашишига олиб келади. Агар ортиқча семириб кетишни ва соғлиғингиз билан боғлиқ муаммолар чиқишини хоҳламасангиз, баъзи одатларингизни ташлашингизга тўғри келади.

1.Истеъмолнинг кам қувватлиги

Нотўғри парҳез қилиш, яъни организмга қувват берувчи озиқ-овқатларни етарлича истеъмол қилмаслик ҳам метаболизмнинг секинлашувига олиб келади.

2. Оқсилли маҳсулотларни кам истеъмол қилиш

Агар, таркибида оқсил моддаси кўп бўлган озиқ-овқатлар етарлича истеъмол қилинмаса, организмнинг қувват сарф қилиш тезлиги пасаяди.

3. Кам ҳаракатлилик

Агар кўп вақтингизни ўтириб ўтказсангиз, организмда метаболизм секинлашади. Спорт билан шуғулланиш ёки жисмоний машқлар, ҳаттоки, оддий уй йиғиштириш ёки зинадан тушиб-чиқиш ҳам метаболизмнинг секинлашмаслиги учун етарлидир.

4. Кам ухлаш

Меъёридан кам ухлаш натижасида организмда баъзи бир, шу жумладан, юрак, диабет ва депрессия касалликлари келиб чиқади. Бундан ташқари, уйқунинг етишмаслиги метаболизмни секинлаштиради ва ортиқча вазн тўпланиш эҳтимолини оширади.

5. Ширин ичимликларни кўп ичиш

Олимларнинг аниқлашича, газли ичимликлар, нотабиий шарбатлар ва энергетик ичимликлар метаболизм тезлигига салбий таъсир кўрсатади.